დაავადებათა კონტროლის ცენტრი - COVID-19-ით გარდაცვლილ ყველა პაციენტს აღენიშნებოდა სხვადასხვა თანმხლები ქრონიკული დაავადება

დაავადებათა კონტროლის და საზოგადოებრივი ჯანმრთელობის ეროვნული ცენტრის ანგარიშის მიხედვით, კორონავირუსით გარდაცვლილთა სქესი თითქმის თანაბარი პროპორციით არის განაწილებული - 20 კაცი და 19 ქალი.

ანგარიშში ასევე სტაციონარებიდან გაწერილი პაციენტების მიერ საწოლდღეების საშუალო რაოდენობაცაა მითითებული, რომლის მიხედვითაც, საშუალო რაოდენობა 19.9 დღეს შეადგენდა, საწოლდღეების მინიმალური რაოდენობა კი, 2 დღეს.

გატარებული საწოლდღეების საშუალო რაოდენობა უფრო მაღალია თანხმლები დაავადებებით ჰოსპიტალიზებულ პაციენტებში.

„30 სექტემბრის მდგომარეობით გამოჯანმრთელებულთა პროცენტმა 98,87 შეადგინა, გარდაიცვალა ინფიცირებულთა 1,13%.

COVID-19–ით გარდაცვლილთა ასაკობრივ სტრუქტურაში ჭარბობენ 70 წელზე ნაკლები პაციენტები (46.2%), ხოლო 70-79 და 79 წელზე მეტი ასაკობრივი სტრუქტურა კი თითქმის, თანაბარი პროპორციით არის განაწილებული, სქესის მიხედვით - 20 კაცი და 19 ქალი.

გარდაცვლილ პაციენტთა ნახევარზე მეტს ანამნეზში აღენიშნებოდა ჰოსპიტალიზაციის ისტორია სხვა დაავადებების გამო. ჰოსპიტალიზაციის ეპიზოდის დროს COVID-19-ით გარდაცვლილ ყველა პაციენტს აღენიშნებოდა სხვადასხვა თანმხლები ქრონიკული დაავადება, მათ შორის 58.9.% (95% CI 42.1%-74.4%) აღენიშნებოდა გულ-სისხლძარღვთა სისტემის დაავადებები, 23%-ს (95% CI11.1%-39.3%) დიაბეტი და ფილტვის ქრონიკული დაავადებები.

ყველა გარდაცვლილი პაციენტის შემთხვევაში დაავადების სიმძიმე იყო მძიმე ან კრიტიკული. ძირითად შემთხვევაში (94.8%, 95% CI 82.6%-99.3%) დაავადება გართულებული იყო, პნევმონიით, გარდაცვლილთა 84.6%-ს აღენიშნებოდა სუნთქვის მწვავე უკმარისობა (95% CI69.4%-94.1%), სეპტიცემია აღენიშნა გარდაცვლილ პაციენტთა 38.4%-ს (95% CI 23.3%-55.3%), ხოლო 35.8%-ში განვითარდა მწვავე რესპირაციული დისტრეს სინდრომი (95% CI 24.2%-50.9%)“, - ნათქვამია დაავადებათა კონტროლის და საზოგადოებრივი ჯანმრთელობის ეროვნული ცენტრის მიერ გამოქვეყნებულ ანგარიშში.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო