„ამნესტი ინტერნეიშენალი“ სომხეთ-აზერბაიჯანის კონფლიქტზე - მშვიდობიანი მოსახლეობა აკრძალული კასეტური ბომბებისგან დაცული უნდა იყოს

კასეტური ტიპის ბომბების ნებისმიერი გამოყენება საერთაშორისო სამართლის დარღვევაა, - ამის შესახებ ორგანიზაცია „ამნესტი ინტერნეიშენალის“ მიერ გავრცელებულ განცხადებაშია აღნიშნული.

ორგანიზაციის ინფორმაციით, მთიანი ყარაბაღის დე-ფაქტო ხელისუფლებამ გამოაქვეყნა ქალაქ სტეფანაკერტში კასეტური ბომბების გამოყენების ამსახველი მასალა.

„ამნესტი ინტერნეიშენალის“კრიზისული რეაგირების ექსპერტებმა კადრების ლოკაცია შეამოწმეს და აღმოაჩინეს ისრაელის წარმოების M095 DPICM კასეტური საბრძოლო მასალა, რომელიც, როგორც ჩანს, აზერბაიჯანული ძალების მიერ იქნა ნასროლი,“ - ნათქვამია ორგანიზაციის მიერ გავრცელებულ განცხადებაში.

„ამნესტი ინტერნეიშენალი“ განმარტავს, რომ კასეტური ბომბების გამოყენება საერთაშორისო კანონმდებლობით აკრძალულია და მათი გამოყენება მშვიდობიანი მოსახლეობის წინააღმდეგ განსაკუთრებით სახიფათოა.

„კასეტური ბომბების გამოყენება საერთაშორისო კანონმდებლობით აკრძალულია. ასე რომ, მათი გამოყენება მშვიდობიანი მოსახლეობის წინააღმდეგ განსაკუთრებით სახიფათოა და კიდევ უფრო მეტი ადამიანის დაშავებასა და დაღუპვას გამოიწვევს,“ - ნათქვამია განცხადებაში.

ორგანიზაციაში აცხადებენ, რომ მშვიდობიანი მოსახლეობა დაცული უნდა იყოს და მათ წინააღმდეგ მიზანმიმართული ან წინდაუხედავი თავდასხმა არ უნდა განხორციელდეს.

„ამნესტი ინტერნეიშენალი“ კონფლიქტის ყველა მხარეს მოუწოდებს, პატივი სცენ საერთაშორისო ჰუმანიტარულ სამართალს და მშვიდობიანი მოსახლეობა საომარი მოქმედებებისგან დაიცვან.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს