აშშ-ის პრეზიდენტი დონალდ ტრამპი აცხადებს, რომ კორონავირუსის ეპიდემიის მიუხედავად, ქვეყანაში საქმიანობის გაჩერება არ იგეგმება, რადგან მოსახლეობა კოვიდ-19-თან თანაცხოვრებას სწავლობს, ისევე როგორც გრიპთან ერთად ცხოვრება ისწავლა.
„გრიპის სეზონი ახლოვდება! ყოველ წელს ბევრი ადამიანი, ზოგჯერ 100 000-ზე მეტიც კი იღუპება გრიპისგან, ვაქცინის მიუხედავად. ვაპირებთ ქვეყნის გაჩერებას? არა, ჩვენ ვისწავლეთ მასთან ერთად ცხოვრება ისევე, როგორც კოვიდ-19-თან თანაცხოვრებას ვსწავლობთ, რომელიც მოსახლეობის უმეტესობაში გაცილებით ნაკლებად მომაკვდინებელია“, - წერს ტრამპი სოციალურ ქსელ „ტვიტერში“.
შეგახსენებთ, დონალდ ტრამპს, რომელიც ამჟამად თავადაც ინფიცირებულია, არაერთხელ დაუფიქსირებია პოზიცია, რომ ეპიდემიის მიუხედავად ქვეყანაში სხვადასხვა დაწესებულებებისა და ობიექტების დახურვა გაუმართლებელია და ეკონომიკა წინ უნდა წავიდეს.