ბერლინში, ბანჰოფშტრასზე მდებარე სავაჭრო ცენტრში განთავსებულ ერთ-ერთი ბანკის ფილიალს მამაკაცი თავს დაესხა. მიმდინარეობს ოპერაცია, ადგილზე 200 პოლიციელი მუშაობს.
სავაჭრო ცენტრი ამ დროისთვის ევაკუირებულია. აღნიშნული რაიონი სამართალდამცავებს გადაკეტილი აქვთ.
პოლიციის ინფორმაციით, ამ დროისთვის იმის თქმა არის შესაძლებელი, რომ ბანკში სამი ადამიანი იმყოფება, მათ შორის დამნაშავე. მათივე ინფორმაციით, დამნაშავის მოთხოვნების შესახებ მათთვის ჯერ არაფერია ცნობილი. თუმცა, პოლიცია დამნაშავესთან კონტაქტზე უკვე გავიდა.
სამართალდამცველები ვერ აკონკრეტებენ, არის თუ არა დამანაშავესთან ერთად მყოფი ორი ადამიანი მძევალი. ინფორმაცია დაშავებულთა შესახებ არ ვრცელდება.