თენგიზ ცერცვაძე - გადადგომის შესაძლებლობას განვიხილავდი, მაგრამ  არ განმიცხადებია, ჩემთვის ვფიქრობდი

ყველა ადამიანს შეიძლება დაუდგეს მომენტი, როდესაც ჩათვლის, რომ ხომ არ სჯობს, გადადგეს, - ამის შესახებ ინფექციური საავადმყოფოს დირექტორმა თენგიზ ცერცვაძემ ჟურნალისტებს განუცხადა.

როგორც ის აცხადებს, თანამდებობის დატოვებაზე ფიქრობდა, თუმცა ამის შესახებ არსად განუცხადებია.

„მე არცერთხელ არ განმიცხადებია, რომ გადადგომას ვაპირებდი. ასეთი რამ მე არ მითქვამს. ჩემთვის ასეთ შესაძლებლობას განვიხილავდი, მაგრამ ეს არ განმიცხადებია, ჩემთვის ვფიქრობდი, რა სჯობდა - გადავმდგარიყავი, თუ გამეგრძელებინა საქმიანობა“,- განაცხადა ცერცვაძემ.

ამასთან, როგორც ის აღნიშნავს, პრემიერ-მინისტრთან გადადგომის საკითხზე არ უსაუბრია.

„პრემიერ-მინისტრთან ამ თემაზე საუბარი არ მქონია, არაიშვიათად გვიწევს შეხვედრები პრემიერთან, თუმცა ჩვენ ვსაუბრობთ მხოლოდ დაავადების მართვის ოპტიმიზაციაზე. არცერთხელ ჩემი გადადგომის საკითხი პრემიერამდე არ მიმიტანია და არც მას არ უსაუბრია“,- განაცხადა ცერცვაძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია