დონალდ ტრამპმა კორონავირუსის სტიმულირების ახალ პაკეტზე კონგრესთან მოლაპარაკებები შეწყვიტა

აშშ-ის პრეზიდენტმა დონალდ ტრამპმა კორონავირუსთან დაკავშირებულ სტიმულირების ახალ კანონპროექტზე კონგრესთან მოლაპარაკებები შეწყვიტა.

"ჩემს წარმომადგენლებს დავავალე, შეწყვიტონ მოლაპარაკებები არჩევნების დასრულებამდე და როგორც კი გავიმარჯვებ, მივიღებთ სტიმულირების მნიშვნელოვან კანონპროექტს, რომელიც ორიენტირებული იქნება მშრომელ ამერიკელებსა და მცირე ბიზნესზე”, - წერს ტრამპი სოციალურ ქსელ „ტვიტერში“.

აღსანიშნავია, რომ რამდენიმე დღით ადრე დონალდ ტრამპი კორონავირუსთან დაკავშირებული დახმარების კანონპროექტზე მუშაობის დაჩქარების ინიციატივით გამოდიოდა.

„ჩვენს დიდებულ ამერიკას სურს და სჭირდება სტიმული. ვიმუშაოთ ერთად და შევასრულოთ”, - წერდა ტრამპი შაბათს სამხედრო ჰოსპიტალიდან, სადაც ის კორონავირუსზე მკურნალობდა.

ტრამპის გადაწყეტილებას სტიმულირების კანონპროექტთან დაკავშირებით მიმდინარე მოლაპარაკებების შეწყვეტის შესახებ „დემოკრატების“ მწვავე კრიტიკა მოჰყვა. აშშ-ს კონგრესის წარმომადგენელთა პალატის სპიკერის, ნენსი პელოსის განცხადებით, ამ ნაბიჯით ტრამპმა დაამტკიცა, რომ მას ვირუსის დამარცხება არ სურს.

„დღეს პრეზიდენტმა ტრამპმა კიდევ ერთხელ აჩვენა თავისი ჭეშმარიტი ფერები: საკუთარი თავი ქვეყნის ხარჯზე პირველ ადგილზე დააყენა. კორონავირუსთან დაკავშირებულ კანონპროექტზე მოლაპარაკებებზე უარის თქმამ ცხადყო, რომ პრეზიდენტ ტრამპს ვირუსის განადგურება არ სურს,“ - აღნიშნა პელოსიმ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 14.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა