ბრაზილიაში ბოლო 24 საათის განმავლობაში კორონავირუსის 41 906 ახალი შემთხვევა გამოვლინდა, რაც გასული თვის განმავლობაში ერთ-ერთი ყველაზე მაღალი მაჩვენებელია.

ამასთან, ბოლო დღე-ღამეში ქვეყანაში კორონავირუსს 819 პაციენტი ემსხვერპლა. შესაბამის მონაცემებს „როიტერი“ ქვეყნის ჯანდაცვის სამინისტროზე დაყრდნობით ავრცელებს. პანდემიის დასაწყისიდან დღემდე ბრაზილიაში კოვიდ 19-ის 4.9 მილიონზე მეტი შემთხვევაა დადასტურებული, მათ შორის 147 494 პაციენტი გარდაიცვალა.

გარდაცვლილთა რაოდენობის მიხედვით, ბრაზილია აშშ-ის შემდეგ მსოფლიოში მეორე ადგილზეა. ინფიცირების შემთხვევების რაოდენობით კი, აშშ-ისა და ინდოეთის შემდეგ, ბრაზილია მსოფლიოში მესამე ადგილზეა.