ირაკლი სესიაშვილი - გაოგნებული ვარ, რუკა, რომლითაც ორ ქვეყანას შორის შეთანხმების მიხედვით ჩვენ უნდა გვეხელმძღვანელა, გვიმტკიცებდნენ, რომ დაკარგული იყო

ამ მძიმე ფაქტის უკან ვინ დგას, მიზანმიმართული ქმედებით მოხდა, უმოქმედობით თუ დავალებით ამ რუკის შენახვა თუ გადამალვა, ეს გამოძიებამ უნდა დაადგინოს,- ამის შესახებ თავდაცვისა და უშოშროების კომიტეტის თავმჯდომარე ირაკლი სესიაშვილმა საქართველო- აზერბაიჯანის დემარკაციის საკითხზე დაწყებული გამოძიების ფარგლებში კომისიის ყოფილი წევრების ივერ მელაშვილის და ნატალია ილიჩოვას დაკავების საკითხის კომენტირებისას ჟურნალისტებთან განაცხადა.

როგორც მან აღნიშნა, გაოგნებულია იმ ფაქტით, რომ რუკა, რომელზეც "ამტკიცებდნენ რომ არ არსებობდა, აღმოჩნდა, რომ არსებობს".

"ძალიან მძიმე ბრალდებაა, სიმართლე გითხრათ გაოგნებული ვარ, გაოგნებული ვარ იმის გამო, რომ რუკა, რომლითაც საერთაშორისო სამართლის მიხედვით, ორ ქვეყანას შორის შეთანხმების მიხედვით ჩვენ უნდა გვეხელმძღვანელა, სამართლიანად განგვესაზღვრა საზღვარი ორ ქვეყანას შორის და რომელზეც გვიმტკიცებდნენ, რომ იყო დაკარგული, არ არსებობდა და ამის გამო ჩვენი პოზიციები იყო წამგებიანი, აღმოჩნდა, რომ ეს რუკა არსებობს, არსებობს ორიგინალური ვერსია, ეს რუკა ინახებოდა თუ გადამალული იყო, ეს გამოძიებამ უნდა დაადგინოს და საერთო ჯამში, ხელმძღვანელობდნენ იმ რუკით, რომლის ფარგლებშიც ზიანდებოდა ჩვენი სახელმწიფო ინტერესები და რომლის ფარგლებშიც შეიძლება ითქვას, ჩვენი სახელმწიფო უარს აცხადებდა 3500 კვადრატულ ჰექტარ მიწაზე, მათ შორის, იმ ტერიტორიაზე, რომელიც წარმოადგენს ჩვენი ქვეყნის სიწმინდეებს, რა თქმა უნდა, ეს არის ძალიან მძიმე და ბრალდება მძიმეა და რა თქმა უნდა, გამოძიებას უნდა დაველოდოთ,"- გაანაცხადა სესიაშვილმა.

ელოდება თუ არა ამ საქმის გარშემო ყოფილი პოლიტიკური თანამდებობის პირების დაკავებასაც, სესიაშვილი ამბობს, რომ გასარკვევია ამ მძიმე ფაქტის უკან ვინ დგას და მიზანმიმართული იყო თუ არა ეს ქმედება.

"რაც შეეხება ეს იყო მიზანმიმართული ქმედებით განხორციელებული თუ თუნდაც, უმოქმედობით, რამაც ეს მძიმე ზიანი გამოიწვია, ეს გამოძიებამ უნდა დაამტკიცოს. ფაქტია, რომ მაშინ, როცა ასეთი ორიგინალი რუკა არსებობდა, რომელიც უნდა ყოფილიყო გადამწყვეტი ამ კომისიის მუშაობის დროს, რომლითაც ორივე ქვეყანას სამართლიანად უნდა მოგვეხდინა საზღვრის დემარკაცია და ამის ნაცვლად, ჩვენ ვხედავთ სურათს და ესეც ფაქტია, როცა ეს კომისია იყენებდა და ხელმძღვანელობდა რუკით, რომელიც შეთანხმებაში არ იყო და საზიანო იყო ჩვენი ქვეყნის ინტერესებისთვის. ეს არის ფაქტი, ამიტომ ამ მძიმე ფაქტის უკან ვინ დგას, მიზანმიმართული ქმედებით მოხდა, უმოქმედობით, თუ დავალებით, მათ შორის, ამ რუკის შენახვა თუ გადამალვა, ეს გამოძიებამ უნდა დაადგინოს,"- განაცხადა სესიაშვილმა.

ცნობისთვის, პროკურატურამ საქართველო-აზერბაიჯანის საზღვრის დელიმიტაცია-დემარკაციის კომისიის ყოფილი თავმჯდომარე ივერი მელაშვილი და კომისიის წევრი ნატალია ილიჩოვა დააკავა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს