მთიანი ყარაბაღის არმიამ აზერბაიჯანის შეიარაღებული ძალების საწვავის ბაზა გაანადგურა, - ამის შესახებ სომხეთის თავდაცვის სამინისტროს პრესსპიკერმა შუშან სტეპანიანმა განაცხადა.
სომხური მედია ფოტოებსა და ვიდეო მასალას აქვეყნებს, სადაც, შუშან სტეპანიანის განმარტებით, აღნიშნული ბაზის განადგურებაა ასახული.
შეგახსენებთ, მთიან ყარაბაღში ცეცხლი 27 სექტემბრის შემდეგ არ წყდება. დაღუპული და დაშავებულია ასობით ადამიანი, მათ შორის მშვიდობიანი მოქალაქეები.