თამარ გაბუნია - თუ ვაქცინაცია ნოემბერში ჩატარდება, ესეც სრულიად შესაფერისი იქნება, რომ დეკემბერი, იანვარი, თებერვალი მშვიდად გავიაროთ

საქართველოს ჯანდაცვის მინისტრის მოადგილის თამარ გაბუნიას განცხადებით, ქვეყანაში გრიპის საწინააღმდეგო ვაქცინის შემოტანაში კერძო სექტორიც ჩართულია და ამ თვალსაზრისით გარკვეული მექანიზმი უკვე შემუშავებულია. ამის შესახებ მან „პალიტრანიუსის“ გადაცემაში "აქტუალური თემა" განაცხადა.

„კარგია, რომ კერძო სექტორი ჩართულია ამ პროცესში და ვაქცინების გარკვეულ ნაწილს ისიც შემოიტანს. გარკვეულწილად მექანიზმი აქაც უკვე განსაზღვრული და დაგეგმილია. სამწუხაროდ, პრაქტიკულად, არ ხდება ისეთი რამ, რომ სახელმწიფოს პირდაპირი ბერკეტი ჰქონდეს, გლობალური მოწოდების ჯაჭვში ჩაერიოს, რათა ან კერძო და ან სახელმწიფო მიმწოდებელმა ვაქცინა იმაზე ადრე მიიღოს, ვიდრე ეს ხელშეკრულების პირობით არის გათვალისწინებული. ველოდებით ამბავს, რომ თუ ქვეყნებში გარკვეული მარაგი გამოთავისუფლდება, სახელმწიფომ თავად შემოიტანოს“, - განაცხადა გაბუნიამ.

კითხვაზე, საჭიროა თუ არა რაიმე კონტროლი დაწესდეს მაშინ, როდესაც კერძო სამედიცინო დაწესებულება ვაქცინაციის რეალიზაციას სამმაგ ფასად ახდენს, თამარ გაბუნიამ განმარტა, რომ კარგი იქნება, ასეთი ბერკეტი კანონმდებლობის დონეზე შეიქმნეს.

„სამწუხაროდ, ჩვენი კანონმდებლობა კერძო სექტორში ფასების პირდაპირი რეგულირების საშუალებას არ იძლევა, თუმცა, როდესაც საზოგადოებრივი ჯანდაცვის საჭიროებას ეხება საქმე, კომერციული ინტერესების ჩადება, არაეთიკურია. კარგი იქნებოდა, ასეთი ბერკეტი კანონმდებლობის დონეზე ყოფილიყო, თუმცა, ჯერჯერობით არ არის. კანონმდებლობის რევიზიის საკითხი დიდი ხანია განიხილება და ალბათ, მას ახალი პარლამენტი დაუბრუნდება, როგორც კი მუშაობას შეუდგება“,-განაცხადა გაბუნიამ.

ჯანდაცვის მინისტრის მოადგილის განმარტებით, ნებისმიერ მომენტში შესაძლებელია ვაქცინაციის გაკეთება და ნოემბერში მისი ჩატარება დაგვიანებული არ იქნება.

„მინდა მოსახლეობას ვუთხრა, რომ თუ ნოემბერში ჩატარდება ვაქცინაცია, ესეც სრულიად შესაფერისი იქნება იმისთვის, რომ აქტიური სეზონი-დეკემბერი, იანვარი, თებერვალი მშვიდად გავიაროთ“, - აღნიშნა თამარ გაბუნიამ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს