გაერთიანებული სამეფო ნავალნის საქმესთან დაკავშირებთ რუსეთის წინააღდეგ სანქციების დაწესების ინიციატივას უერთდება

გაერთიანებული სამეფო უერთდება გერმანიისა და საფრანგეთის ინიციატივას, ალექსეი ნავალნის საქმესთან დაკავშირებით რუსეთის წინააღდეგ სანქციების დაწესებასთან დაკავშირებით, - ამის შესახებ ინფორმაციას BBC-ი ავრცელებს.

გამოცემის ცნობით, ქვეყნის საგარეო საქმეთა მინისტრმა დომინიკ რააბმა განცხადება გაავრცელა, სადაც აღნიშნულია, რომ ოპოზიციის ლიდერის სამხედრო დონის ნერვული აგენტით მოწამვლის მტკიცებულება „უდავოა.“

„რუსეთის ხელისუფლება არ ცდილობს, გამოიძიოს ეს თავდასხმა. ჩვენ ვიმუშავებთ საერთაშორისო პარტნიორებთან ერთად, რომ მოვამზადოთ სანქციები, რომელიც მიმართული იქნება რუსეთის იმ ოფიციალური თუ სხვა პირების წინააღმდეგ, რომლებიც ამ დანაშაულში პასუხისმგებელ პირებად ითვლებიან, ასევე მათ წინააღმდეგ, ვინც ქიმიურ იარაღ „ნოვიჩოკის“ პროგრამის განვითარებაში მონაწილეობენ,“- აღნიშნულია დომინიკ რააბის განცხადებაში.

გუშინ, საფრანგეთისა და გერმანიის საგარეო საქმეთა მინისტრებმა განაცხადეს, რომ ევროპელ პარტნიორებს რუსეთის სახელმწიფო სადაზვერვო სამმართველოს თანამშრომლების წინააღმდეგ სანქციების დაწესებას შესთავაზებენ, რაც რუსი ოპოზიციონერის, ალექსეი ნავალნის, მოწამვლის საკითხთან იქნება დაკაშირებული.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!