გიორგი კანდელაკი - წყალტუბო „ოცნების“ აღვირახსნილი კორუფციის სიმბოლოა და მას გარდამტეხი ცვლილებები სჭირდება

„ევროპული საქართველო“ წყალტუბოს მუნიციპალიტეტის საჯარო სკოლებში სანიტარული კვანძების მოსაწყობად, ერთ პირთან მოლაპარაკების გზით, 1 122 256 ლარის ოდენობის გამარტივებულ შესყიდვაში კორუფციის ნიშნებს ხედავს და საქართველოს გენერალურ პროკურატურას გამოძიების დაუყოვნებლივ დაწყებისკენ მოუწოდებს. ამის შესახებ ქუთაისში, პარტიის ოფისში გამართულ ბრიფინგზე პარლამენტის წევრმა გიორგი კანდელაკმა განაცხადა.

„პანდემიის დაწყებიდან სწავლის დაწყებამდე მთავრობას სკოლის ჰიგიენური კვანძების მოსაწყობად ხუთ თვეზე მეტი ჰქონდა. მიუხედავად ამისა, წყალტუბოს მუნიციპალიტეტმა მთელი ეს თვეები ტენდერი არ გამოაცხადა და როცა სწავლის დაწყებამდე მხოლოდ დღეები რჩებოდა, საქართველოს ერთ-ერთი ყველაზე ღარიბი მუნიციპალიტეტის ბიუჯეტიდან „ქართულ ოცნებასთან“ დაახლოებულ პირებს პირდაპირი შესყიდვის გზით, ამ რეგიონისთვის კოლოსალური თანხა მიაკუთვნა. კერძოდ, „ფლანგვის დეტექტორის“ ახალი კვლევის თანახმად, 2020 წლის 3 სექტემბერს, სველი წერტილების მოსაწყობად, ხელისუფლებასთან დაახლოებულმა კომპანიებმა 1 122 256 ლარი უტენდეროდ მიიღეს. 9-დან 8 კომპანიას წარსულში პრაქტიკულად არც ერთ ტენდერში არ ჰქონდა მონაწილეობა მიღებული. მეტიც, შპს “არია გრუპს” წარსულში საერთოდ არანაირი აქტივობა არ უფიქსირდება, არათუ ტენდერში მონაწილეობა. მიუხედავად ამისა, 3 სექტემბერს წყალტუბომ მას 220 760 ლარი უტენდეროდ მისცა. მმართველი პარტიის მხარდამჭერმა ინდ. მეწარმე აკაკი რობაქიძემ, რომელსაც ასევე, არცერთ სახელმწიფო ტენდერში არ მიუღია მონაწილეობა, ყოველგვარი კონკურსის გარეშე 119 600 ლარი მიიღო. ბუნებრივად ისმის კითხვა, მაშინ, როცა სკოლების სანიტარული კვანძების გამართულად მუშაობის მნიშვნელობა პანდემიასთან ბრძოლაში ყველასთვის გასაგებია და მაშინ, როცა ყველამ იცოდა, რომ შემოდგომაზე ვირუსის მეორე ტალღა გარდაუვალი იყო, რატომ არ ჩაატარა წყალტუბოს მუნიციპალიტეტმა ტენდერი? პასუხი ნათელია - „ქართული ოცნების“ აღვირახსნილი კორუფცია, რაც 31 ოქტომბერს გარდამტეხი ცვლილებებით უნდა დასრულდეს. წყალტუბოს მუნიციპალიტეტი „ქართული ოცნების“ კორუფციისა და ჩაფლავების ერთ-ერთი მნიშვნელოვანი სიმბოლოა. ნაცვლად იმისა, რომ წყალტუბო საქართველოს ეკონომიკის ერთ-ერთი მოტორი გამხდარიყო, როგორც ეს აკაკი ბობოხიძის ინიციატივით დაწყებული პროექტებით იყო გათვალისწინებული, წყალტუბოს მუნიციპალიტეტში სიღარიბის ერთ-ერთი მაღალი მაჩვენებელია“, - განაცხადა კანდელაკმა.

გიორგი კანდელაკის განცხადებას „ევროპული საქართველოს“ პრესსამსახური ავრცელებს.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს