გერმანიაში, ბოლო 24 საათის განმავლობაში, კორონავირუსის 4 058 ახალი შემთხვევა გამოვლინდა და ინფიცირებულთა საერთო რაოდენობა 310 144-მდე გაიზარდა, - ამის შესახებ ინფორმაციას Reuters-ი „რობერტ კოხის ინსტიტუტის“ მონაცემებზე დაყრდნობით ავრცელებს.
ამავე მონაცემების თანახმად, ქვეყანაში კოვიდ 19-ს კიდევ 16 ადამიანის სიცოცხლე ემსხვერპლა და დაღუპულთა რიცხვმა 9 578-ს მიაღწია.
აღსანიშნავია, რომ 10 ოქტომბრიდან გერმანიის დედაქალაქში, ბერლინში, კორონავირუსთან დაკავშირებით შეზღუდვები მკაცრდება. კერძოდ, ქალაქის რესტორნები, ბარები, მაღაზიები და სხვა ბიზნეს ობიექტები 23:00 საათიდან 06:00 საათამდე დახურება. შეზღუდვა ძალაში 31 ოქტომბრამდე იქნება.