აზერბაიჯანის არმია გასულ ღამის განმავლობაში ქალაქ სტეფანაკერტს ბომბავდა, - ამის შესახებ ინფორმაციას სომხური მედია ავრცელებს.
მათივე ინფორმაციით, დღეს დილით მთიანი ყარაბაღის სამხრეთის მიმართულებით აზერბაიჯანის არმიის ორი უპილოტო საფრენი აპარატი ჩამოაგდეს.
სომხეთის თავდაცვის უწყებაში აცხადებენ, რომ დილით აზერბაიჯანელმა სამხედროებმა სამხრეთის მიმართულებით თავდასხმის დაწყება სცადეს, თუმცა 20-ზე მეტი ჯარისკაცი დაკარგეს და ჯებრაილის მიმდებარე ტერიტორიიდან გაიქცნენ.