რუსეთი ამუშავებს შესაძლებლობას, რომ სომხეთისა და აზერბაიჯანის საგარეო საქმეთა მინისტრების მოსკოვში მოლაპარაკებების ორგანიზება განახორციელოს, მიმდინარეობს კონსულტაციები თარიღთან დაკავშირებით. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.

„მუშავდება მოქმედებათა სხვადასხვა სქემა, რომელთა შორის, ჩვენ მიერ შეთავაზებულია მოსკოვის მოედნის დათმობა იმ მიზნისთვის, რომ შედგეს მოლაპარაკება რუსეთის, სომხეთისა და აზერბაიჯანის საგარეო-პოლიტიკურ უწყებათა მეთაურებს შორის, ეუთოს მინსკის ჯგუფის თანათავმჯდომარეთა მონაწილეობით. ჩვენ ვაწარმოებთ კონსულტაციებს მხარეებთან ამ ფორმატში მოლაპარაკებების დაწყების თარიღთან დაკავშირებით“ , - განაცხადა დღევანდელ ბრიფინგზე მარია ზახაროვამ.