ბოლივიაში, ტყის ხანძრების გამო, კატასტროფის მდგომარეობა გამოცხადდა, - Reuters-ის ინფორმაციით, ამის შესახებ ქვეყნის დროებითმა პრეზიდენტმა ჟანინ ანეზმა განაცხადა.

„ჩვენ ვაცხადებთ ეროვნულ კატასტროფის მდგომარეობას გვალვისა და ხანძრის გამო. სერიოზული საფრთხის წინაშე ვდგავართ და არ გვინდა, რომ ის, რაც შარშან მოხდა, განმეორდეს,“ - აღნიშნა ანეზმა.

ბოლივიის ხელისუფლების ინფორმაციით, ქვეყანაში ხანძრის 50 აქტიური კერაა და სტიქიამ წელს 600-ზე მეტი ოჯახი დააზარალა.

„ცეცხლი ძლიერდება, თუმცა ქარისა და მაღალი ტემპერატურის გამო კრიზისთან გამკლავება რთულდება,“- განაცხადა ბოლივიის თავდაცვის მინისტრმა ფერნანდო ლოპეზმა.

ცნობისათვის, 2019 წელს ხანძარმა ბოლივიის ამაზონში 6 მილიონი ჰექტარი ფართობი გაანადგურა. წელს კი, ამ დრომდე, 1.1 მილიონი ჰექტარია დამწვარი.