„სამოქალაქო პლატფორმა 20/20“ ცესკოს მოუწოდებს, დროულად დააზუსტოს ამომრჩეველთა სიები.

როგორც დღეს გამართულ ბრიფინგზე „სამოქალაქო პლატფორმა 20/20-ის“ წარმომადგენელმა ქუთაისის მაჟორიტარულ ოლქში, ავთანდილ კუხიანიძემ განაცხადა, მონიტორინგის შედეგად, ქუთაისში აღმოჩენილია არარსებული მისამართი, სადაც ამომრჩევლები არიან რეგისტრირებულები.

„არსებობს გონივრული ეჭვი, რომ არის სხვა მსგავსი შემთხვევებიც, ამიტომ მონიტორინგს გავაგრძელებთ. მივმართავთ საარჩევნო ადმინისტრაციას, დროულად დააზუსტოს ამომრჩეველთა სიები და აღმოფხვრას ტექნიკური ხარვეზები, რათა გამოირიცხოს ხმების გაყალბების და შედეგებით მანიპულირების შესაძლებლობები,“ - განაცხადა კუხიანიძემ.

ინფორმაციას „სამოქალაქო პლატფორმა 20/20“ ავრცელებს.