აზერბაიჯანის პრეზიდენტი ილჰამ ალიევი აცხადებს, რომ მთიანი ყარაბაღის კონფლიქტში სტატუს-კვო აღარ არსებობს და ის აზერბაიჯანის მხარემ ბრძოლის ველზე შეცვალა.
„სტატუს-კვოს საკითხი აღარ არსებობს. ჩვენ ის შევცვალეთ ბრძოლის ველზე. არ არსებობს შეხების ხაზი, ჩვენ ის გავარღვიეთ. ეს ჩვენი ისტორიული გამარჯვებაა“, - წერს ალიევი „ტვიტერის“ ოფიციალურ გვერდზე.
აღსანიშნავია, რომ მისი ეს განცხადება მოსკოვში მიმდინარე მოლაპარაკებების პარალელურად გაჟღერდა, სადაც რუსეთის, აზერბაიჯანისა და სომხეთის საგარეო საქმეთა მინისტრები მთიანი ყარაბაღის ვითარებაზე უკვე რამდენიმე საათია მსჯელობენ.