ბადრი ჯაფარიძე - ერთადერთი გამოსავალი არის დინამიური ცვილილებები კეთილდღეობისთვის

პარტიის “ლელო საქართველოსთვის” საბურთალოს მაჟორიტარი დეპუტატობის კანდიდატი ბადრი ჯაფარიძე საბურთალოზე ბალანჩივაძის ქუჩის მოსახლეობას შეხვდა.

როგორც "ინტერპრესნიუსს" პარტიის პრესსამსახურიდან აცნობეს, შეხვედრა გაცნობითი ხასიათის იყო. ჯაფარიძე მოსახლეობას არსებული პრობლემების შესახებ ესაუბრა და აღნიშნულთან დაკავშირებით პარტიის ხედვები გააცნო.

“შეხვედრა გვქონდა ჩემს ამომრჩევლებთან, სადაც ვისაუბრეთ იმ მდგომარეობაზე, რომელიც ქვეყანაშია შექმნილი. რაც მთავარია, ასევე, ვისაუბრეთ გამოსავლის გზებზე და იმაზე, რომ ყველა უნდა მოვიდეს 31 ოქტომბერს და ხმა მისცეს თავისი ქვეყნის მომავალს. ჩვენ უნდა დავიწყოთ ქვეყნის იმ მძიმე მდგომარეობიდან გამოყვანა, რომელშიც “ქართული ოცნების” მიერ აღმოჩნდა. ეს შეხვედრები ჩემთვის ძალიან მნიშვნელოვანი, ინფორმაციული და ენერგიის მომცემია. მე ვგრძნობ ძალიან დიდ მხარდამჭერას და ჩვენ ამ ყველაფერს 31 ოქტომბერს დავაგვირგვინებთ”,- აღნიშნა ბადრი ჯაფარიძემ.

ამასთან, შეხვედრაზე ბადრი ჯაფარიძემ მოსახლეობას არჩევნებზე მისვლისკენ მოუწოდა.

“ბადრი ჯაფარიძე მოვიწვიეთ ჩვენ, რადგან ამ პიროვნებით აღფრთოვანებული ვარ. ეს ადამიანი არის იმედის მომცემი და არ იძლევა ფუჭ დაპირებას. მასში არის სიმართლე და მომავლის იმედი. მე მჯერა მისი და ჩემი მესიჯია, რომ მოვუსმინოთ მას და მივცეთ ხმა,”- განაცხადა პარტიის მხარდამჭერმა თეონა როშნიაშვილმა.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია