აზერბაიჯანის გენერალური პროკურატურა მთიან ყარაბაღში კონფლიქტის ესკალაციის დაწყებიდან დღემდე გარდაცვლილთა და დაჭრილების შესახებ მონაცემებს აქვეყნებს.
„სომხეთის მიერ აზერბაიჯანის დასახლებული პუნქტების დაბომბვის შედეგად, 27 სექტემბრიდან 11 ოქტომბრის ჩათვლით, გარდაიცვალა 41 მშვიდობიანი მოქალაქე და 205 ადამიანი დაიჭრა“ , - ნათქვამია უწყების პრესსამსახურის მიერ გავრცელებულ პრესრელიზში.
მათივე მონაცემებით, ზიანი მიადგა 1165 კერძო სახლს, 57 შენობას და 146 სამოქალაქო ობიექტს.
აზერბაიჯანსა და სომხეთს შორის კონფლიქტის ესკალაცია 27 სექტემბრიდან მოხდა. მხარეები ერთმანეთს ადანაშაულებენ.