დაავადებათა კონტროლის ეროვნული ცენტრის დირექტორის, ამირან გამყრელიძის ინფორმაციით, სამედიცინო პერსონალი, ვისაც კოვიდინფიცირებულ პაციენტთან აქვს შეხება, 14 დღე თვითიზოლაციაში ვერ დაყოვნდება, რადგან მათი ჩანაცვლება რთულია.
როგორც გამყრელიძემ მთავრობის ადმინისტრაციაში გამართულ ბრიფინგზე განაცხადა, სამედიცინო პერსონალი პანდემის პირობებში ერთ-ერთი ყველაზე მოწყვლადი ჯგუფია, რის გამოც მათი გაფრთხილებაა საჭირო.
„სამედიცინო პერსონალი, განსაკუთრებით სასწრაფო დახმარების სამედიცინო პერსონალი, ასევე საგანგებო დეპარტამენტის სამედიცინო პერსონალი, რომელთაც კოვიდავადმყოფები გადაჰყავთ და საავადმყოფოებში მათ მობილიზაციას ახდენენ, გადადიან 72 საათიან ტესტირებაზე. ისინი არიან სტრატეგიული ადამიანები, განსაკუთრებით ინფიცირებულთა კონტაქტში მყოფს 14 დღე ვეღარ გააჩერებ იზოლაციაში და ისინი მუდმივ ტესტრირებაზე უნდა იყვნენ, რადგან მათი ჩანაცვლება რთულია. მოგეხსენებათ, ამ დროს ერთ-ერთი ყველაზე მოწყვლადი გახლავთ სამედიცინო პერსონალი და მათ ძალიან უნდა მოვუფრთხილდეთ“,- განაცხადა გამყრელიძემ.