მამუკა მდინარაძე - "ნაციონალური მოძრაობის" სხვადასხვა ფრთის წარმომადგენლები „ერთმანეთს ჭამენ“

"ნაციონალური მოძრაობის" სხვადასხვა ფრთის წარმომადგენლები „ერთმანეთს ჭამენ“, - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებთან განაცხადა, რითაც "ევროპული საქართველოს" ლიდერის გიგი უგულავას ვიდეო მიმართვას გამოეხმაურა, სადაც ის ამბობს, რომ მიხეილ სააკაშვილი ოპოზიციის ერთობას აზიანებს.

მამუკა მდინარაძის თქმით, "ნაციონალური მოძრაობა" და "ევროპული საქართველო" მანდატების გადანაწილებისთვის ჩხუბობს.

" "ნაციონალური მოძრაობის" სხვადასხვა ფრთის წარმომადგენლები, პირდაპირ ამ სიტყვის მნიშვნელობით არა, მაგრამ ერთმანეთს ჭამენ. გაიყვნენ, მაგრამ საერთო წარსული აქვთ და მომავალი, უბრალოდ, შიგნით ვერ იყოფენ დეპუტატობის მანდატებს, თუ ვის უფრო მეტი ექნება. ერთმანეთში ჩხუბობენ მანდატების გაყოფაზე - "ევროპულ საქართველოს" 6-8 მანდატი ექნება თუ "ნაციონალურ მოძრაობას" 10 და 15 მანდატი. ამის იქით, რეალური შედეგობრივი ინტერესი არ აქვთ და საუბრობენ ქვეყნის განვითარებაზე. ყველას კარგად ახსოვს მათი მოქმედებები და დაპირებების რაციონალური ხასიათი ", - განაცხადა მამუკა მდინარაძემ.

მამუკა მდინარაძე მიხეილ სააკაშვილის იმ განცხადებასაც გამოეხმაურა, სადაც ის ამბობს, რომ საქართველოში ემიგრანტებს დააბრუნებს და პოლიციის რეფორმას აპირებს.

მამუკა მდინარაძე აცხადებს, "როგორ იქნება მისი წინასაარჩევნო განცხადება ადეკვატური, თვითონ აღარ არის, როგორც პოლიტიკოსი, მგონი, ათეული წელია".

"ყველა მისი მომხრე ხედავს, რომ მისი ადეკვატურობის ხარისხი ძალიან დაბლა მიდის. მისი მეთოდებიც იმდენად არარეალისტურია, მისი მომხრეებიც, როგორც მცირდებიან ბოლო დროს, ვხედავთ", - განაცხადა მდინარაძემ.

ცნობისთვის, „ევროპული საქართველოს“ ზუგდიდის მაჟორიტარი დეპუტატობის კანდიდატი, გიგი უგულავა, ვიდეომიმართვას ავრცელებს, სადაც აცხადებს, რომ ოპოზიციის ერთობა არა მხოლოდ ბიძინამ, არამედ მიშამაც ამოიღო მიზანში.

მისივე თქმით, მიხეილ სააკაშვილმა ერთპიროვნული ძალაუფლებისთვის ოპოზიციურ ერთობას ზურგში დანა ჩაარტყა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"