გიორგი კაკაურიძე - ფისკალური და ეკონომიკური პოლიტიკა იმართებოდა სწორად და პოსტპანდემიურ პერიოდშიც ყველაფერს გავაკეთებთ, რომ ეკონომიკა სწრაფად აღდგეს

საქართველოს ფისკალური და ეკონომიკური პოლიტიკა იმართებოდა სწორად და პოსტპანდემიურ პერიოდშიც ყველაფერს გავაკეთებთ იმისთვის, რომ სწრაფად მოხდეს ეკონომიკის აღდგენა, - ამის შესახებ საქართველოს ფინანსთა მინისტრის მოადგილემ, გიორგი კაკაურიძემ პარლამენტში „ევროპული საქართველოს" ფრაქციების სხდომის დასრულების შემდეგ განაცხადა, სადაც 2021 წლის ბიუჯეტის პროექტი განიხილეს.

როგორც კაკაურიძემ აღნიშნა, ბიუჯეტის პროექტში იქნება ასახული ის, რისი შესაძლებლობაც ქვეყანას ექნება როგორც სოციალური, ასევე ჯანდაცვის და ეკონომიკის მიმართულებით.

„ოპოზიციას აქვს თავისი შეფასებები, თუმცა ვხედავთ, რომ პანდემიამდე ჩვენ გვქონდა საკმაოდ კარგი ეკონომიკური პარამეტრები და ის, რომ რეიტინგი შეგვინარჩუნა წამყვანმა საერთაშორისო საფინანსო - სარეიტინგო კომპანიებმა, არის სწორი ეკონომიკური პოლიტიკა. ეს ადასტურებს იმას, რომ საქართველოს ფისკალური და ეკონომიკური პოლიტიკა იმართებოდა სწორად და პოსტპანდემიურ პერიოდშიც ყველაფერს გავაკეთებთ იმისთვის, რომ სწრაფად მოხდეს ეკონომიკის აღდგენა, დასრულდეს რეფორმები, რაც საბოლოო ჯამში ჩვენი ეკონომიკური პოტენციალს მნიშვნელოვნად გაზრდის",- განაცხადა კაკაურიძემ.

რაც შეეხება ოპოზიციის ბრალდებებს, რომ 2021 წლის ბიუჯეტის პროექტით იზრდება ბიუროკრატიული ხარჯები, კაკაურიძე ამბობს, რომ „არასერიოზულ განცხადებებს ვუსმენთ ხოლმე".

„სამწუხაროდ, ქვეყანას არ აქვს რესურსი საჯარო მოხელეებისთვის ხელფასები გაზარდოს. საჯარო მოხელეებს აქვს საკმაოდ დაბალი ხელფასი. ბოლო რამდენიმე წლის განმავლობაში, განსაკუთრებით 2017 წელს ნომინალურ გამოხატულებაში ამ ხელფასების შემცირება მოხდა. როგორც კი ქვეყანას გაუჩნდება საშუალება, რომ საჯარო სექტორში ხელფასები გაიზარდოს, ეს აუცილებლად აისახება ბიუჯეტში",- განაცხადა კაკაურიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე