„ერთიანი ნაციონალური მოძრაობა - გაერთიანებული ოპოზიცია, ძალა ერთობაშიას“ წარმომადგენლის, თამარ კორძაიას განცხადებით, ყველა ამომრჩეველს, მათ შორის, როგორც კოვიდინფიცირებულებს, ასევე თვითიზოლაციაში მყოფებს, არჩევნებზე არჩევანის დაფიქსირების საშუალება უნდა მიეცეთ.
როგორც კორძაია აღნიშნავს, ყველა მოქალაქეს უნდა ჰქონდეს შესაძლებლობა, ისარგებლოს კონსტიტუციით აღიარებული უფლებით.
"ცენტრალური საარჩევნო კომისია უმძიმესი გამოწვევის წინაშე დგას, მაგრამ პასუხისმგებლობა მაინც მას დაეკისრება არჩევნების კანონიერად, გამჭვირვალედ და სამართლიანად ჩატარებასთან დაკავშირებით. ამ პროცესში უმნიშვნელოვანესია ორი საკითხი: ერთი - ყველა მოქალაქეს ჰქონდეს შესაძლებლობა ისარგებლოს კონსტიტუციით აღიარებული არჩევანის უფლებით, მეორე - გვქონდეს ზუსტი სტატისტიკა იმისთვის, რომ არჩევნების კანონიერების გადამოწმების შესაძლებლობა გვქონდეს თითოეულ ადამიანს, ვისაც ეს გვაინტერესებს”, - განაცხადა კორძაიამ, რომლის კომენტარსაც პარტიის პრესსამსახური ავრცელებს.