„ევროპული საქართველოს“ წევრი, ვაკის მაჟორიტარი დეპუტატობის კანდიდატი, ელენე ხოშტარია ეუთოს სადამკვირვებლო მისიის წარმომადგენლებს შეხვდა.

როგორც „ინტერპრესნიუსს“ „ევროპული საქართველოდან“ აცნობეს, შეხვედრაზე ხოშტარიამ ეუთოს სადამკვირვებლო მისიის წარმომადგენლებს წინასაარჩევნო გარემოს შესახებ ინფორმაცია მიაწოდა.

ხოშტარიას თქმით, ადგილობრივ და საერთაშორისო სადამკვირვებლო მისიებს კრიტიკული მნიშვნელობა აქვთ საპარლამენტო არჩევნების დემოკრატიულ და თანასწორ გარემოში ჩატარებისთვის.