მსოფლიო ბანკმა განვითარებადი ქვეყნებისთვის 12 მილიარდი აშშ დოლარი დაამტკიცა, რომელიც კოვიდ 19-ის ვაქცინებისა შეძენას და ინფიცირებულების მკურნალობას მოხმარდება
მსოფლიო ბანკის აღმასრულებელმა საბჭომ განვითარებადი ქვეყნებისთვის 12 მილიარდი აშშ დოლარის ოდენობის ახალი დაფინანსება დაამტკიცა, - ამის შესახებ ინფორმაციას მსოფლიო ბანკი ავრცელებს.
ბანკის ცნობით, აღნიშნული თანხით ქვეყნები თავიანთი მოქალაქეებისთვის კოვიდ 19-ის ვაქცინების შეძენასა და განაწილებას, ტესტირებას და მკურნალობას დააფინანსებენ.
დაფინანსების გეგმა, 160 მილიარდი აშშ დოლარის ოდენობის ფულადი რესურსის ნაწილია, რომლის გამოყოფასაც მსოფლიო ბანკი, კორონავირუსთან ბრძოლაში დახმარების მიზნით, განვითარებადი ქვეყნებისთვის 2021 წლის ივნისის ჩათვლით გეგმავს.
