ენერგოომბუდსმენი სალომე ვარდიაშვილი ეროვნული ენერგოომბუდსმენების გაერთიანების (NEON-ის) გენერალურ შეხვედრას ონლაინ რეჟიმში დაესწრო. როგორც „ინტერპრესნიუსს“ ენერგოომბუდსმენის პრესსამსახურიდან აცნობეს, შეხვედრა დღეს ბრიუსელის დროით, 10:00 საათზე დაიწყო.

მათი ინფორმაციით, დღის წესრიგით განიხილებოდა 7 საკითხი, რომელიც ეხებოდა ორგანიზაციის ადმინისტრაციულ საკითხებს და პანდემიით გამოწვეული სიტუაციის გაანალიზებას მომხმარებელთა უფლებების დაცვის კუთხით.

„ნეონის წევრებმა ასევე იმსჯელეს სამომავლო გეგმებზე და 2021 წელს განსახორციელებელ აქტივობებზე“,-აღნიშნულია ინფორმაციაში.