კორონავირუსის გადაცემის შემთხვევების უმეტესობა ოჯახებში ხდება, - ამის შესახებ ჯანდაცვის მსოფლიო ორგანიზაციის ეპიდემიოლოგმა მარია ვან კერხოვემ განაცხადა.
მისივე თქმით, დაინფიცირებულების მკურნალობა სამედიცინო დაწესებულებებში უნდა მოხდეს, თუმცა აღნიშნა, რომ შემთხვევების დიდი რაოდენობის გამო ყველა პაციენტის ჰოსპიტალიზაცია შეუძლებელია.
„ჩვენ ვაცნობიერებთ, რომ ამდენი შემთხვევის პირობებში ეს შეუძლებელია. თუმცა, თუკი მაღალი რისკის ჯგუფს მიეკუთვნებით - თუ ხართ 60 წელს გადაცილებული პირი, გაწუხებთ თანმხლები დაავადებები -დაავადების გართულებისა და ფატალური შედეგის თავიდან ასაცილებლად სამედიცინო დაწესებულებაში უნდა იმკურნალოთ,“- აღნიშნა ეპიდემიოლოგმა.
მისივე თქმით, როდესაც ინფიცირებული ადამიანი სახლში მკურნალობს, ეს ვირუსის ოჯახში გავრცელებას უწყობს ხელს.