გია ჟორჟოლიანი სპეციალურ განცხადებას ავრცელებს

“მოვუწოდებთ საქართველოს მთავრობას შეაჩეროს დაანონსებული სააუდიტორიო მეცადინეობების დაწყება უმაღლეს და ზოგადსაგანმანათლებლო დაწესებულებებში და ვაფრთხილებთ მთავრობას, ცენტრალურ საარჩევნო კომისიას, სხვა სახელისუფლო უწყებებს მაქსიმალურად უზრუნველონ უსაფრთხოების ზომების გამკაცრება და დაცვა საარჩევნო პერიოდში - განაცხადა ,,სოციალ-დემოკრატები საქართველოს განვითარებისთვის“ ლიდერმა გია ჟორჟოლიანმა განაცხადა.

მისივე თქმით, მძიმე ეპიდემიური სიტუაცია ხელს უშლის როგორც ნორმალურ სამოქალაქო ცხოვრებას, ისე საარჩევნო პროცესს.

„მთელი ქვეყნის მასშტაბით ინფიცირებულია 919 ადამიანი, ამათგან 366 მოქალაქე- თბილისში. ჩვენ ჯერ კიდევ მაშინ ვაფრთხილებდით საქართველოს ხელისუფლებას, როდესაც ინფიცირებულ მოქალაქეთა რიცხვი 42-ს აღწევდა, რომ დაგვეცვა უსაფრთხოების მაქსიმალური ზომები, რათა სიტუაცია უმართავი არ გამხდარიყო. სამწუხაროდ, ჩვენი მოლოდინი გამართლდა. მძიმე ეპიდემიური სიტუაცია ხელს უშლის როგორც ნორმალურ სამოქალაქო ცხოვრებას, ისე საარჩევნო პროცესს. განსაკუთრებით ზარალდებიან ისეთი პარტიები, რომლებსაც არ აქვთ საკუთარი ტელევიზიები და არ ახდენენ ამომრჩეველთა მანიპულაციას ელექტრონული მედიის საშუალებით. 1. მოვუწოდებთ საქართველოს მთავრობას შეაჩეროს სააუდიტორიო მეცადინეობების დაწყება უმაღლეს და ზოგადსაგანმანათლებლო დაწესებულებებში. 2. ადამიანთა სიცოცხლე და ჯანმრთელობა სახელმწიფოს უპირველესი საზრუნავია. ვაფრთხილებთ საქართველოს მთავრობას, ცენტრალურ საარჩევნო კომისიას, სხვა სახელისუფლო უწყებებს მაქსიმალურად უზრუნველონ უსაფრთხოების ზომების გამკაცრება და დაცვა საარჩევნო პერიოდში“,- აცხადებს გია ჟორჟოლიანი.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა