პრემიერი - ტოქსიკურ წინასაარჩევნო პირობებში ნებისმიერი თემა გამოყენებულია სპეკულირებისთვის - ამისთვის არ გვცალია, თორემ არც ოპოზიციასთან საუბარი მოგვრიდებია არასოდეს

ტოქსიკურ წინასაარჩევნო პირობებში ნებისმიერი თემა გამოყენებულია პოლიტიკური სპეკულირებისთვის და ჩვენ უბრალოდ, ამისთვის არ გვცალია,- ასე პასუხობს პრემიერ-მინისტრი გიორგი გახარია ჟურნალისტების კითხვას, ისაუბრებს თუ არა ის ოპოზიციასთან რაიმე ფორმატში, კოვიდ პანდემიის გამოწვევების თაობაზე.

როგორც პრემიერ-მინისტრი აღნიშნავს, პანდემია არის საკითხი, რომელიც რეალურად გამაერთიანებელი უნდა იყოს. როგორც გახარია აცხადებს, შინაარსობრივი დიალოგისთვის მზად არის ნებისმიერ, მათ შორის საკოორდინაციო საბჭოს ფორმატშიც.

„ჩვენ არანაირი ფორმატის წინააღმდეგი არ ვართ, აქ მხოლოდ ერთი შემზღუდველია, სამწუხაროდ, ამ საკმაოდ ტოქსიკურ წინასაარჩევნო პირობებში ნებისმიერი თემა არის გამოყენებული პოლიტიკური სპეკულირებისთვის და ჩვენ უბრალოდ, ამისთვის არ გვცალია, თორემ არც ოპოზიციასთან საუბარი მოგვრიდებია არასოდეს, განსაკუთრებით ქვეყნისთვის გამაერთიანებელ თემებზე. ნორმალურ ქვეყანაში, ნორმალურ მდგომარეობაში მსგავსი გლობალური გამოწვევა უნდა გამხარიყო გამაერთიანებელი, ოპოზიციის, მთლიანად საზოგადოების და ასეც მოხდა, გარკვეული გამონაკლისების გარდა, რომელსაც ხან ტესტირების რაოდენობა არ მოწონდა, ხან დაკეტვის წინააღმდეგი იყო, ხან გახსნის. ეს არ შეიძლება იყოს სპეკულირების საგანი, ნებისმიერი შინაარსობრივი დიალოგისთვის რა თქმა უნდა მზად ვართ,“- განაცხადა გახარიამ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა