ეკატერინე ტიკარაძის განცხადებით, საქართველომ წინა წლებთან შედარებით 3-ჯერ მეტი გრიპის ვაქცინა შეიძინა

ჯანდაცვის მინისტრის, ეკატერინე ტიკარაძის განცხადებით, საქართველომ წინა წლებთან შედარებით 3-ჯერ მეტი გრიპის ვაქცინა შეიძინა.

როგორც მან მთავრობის სხდომის დასრულების შემდეგ განაცხადა, ვაქცინის სრული მოცულობა საქართველოში ნოემბრის პირველ ნახევარში იქნება.

"ჩვენ არაერთხელ დავაანონსეთ, რომ შევიძინეთ გრიპის ვაქცინის უპრეცედენტო რაოდენობა. ეს რაოდენობა სამჯერ აღემატება იმას, რასაც საქართველო წინა წლებში მოიხმარდა და წინა წლებში, ხშირ შემთხვევაში, გვქონდა გამოუყენებელი გრიპის ვაქცინა, რომელიც საქართველოში პოპულარობით არ სარგებლობდა. გამომდინარე იქიდან, რომ ჩვენ გვქონდა მოთხოვნის გაზრდის მოლოდინი, ჩვენ შევიძინეთ სამჯერ მეტი რაოდენობა, ვიდრე ამას ყოველწლიურად ვგეგმავდით. მნიშვნელოვანია, ისიც, რომ მის გამოყენებასთან დაკავშირებით არის კონკრეტული სტრატეგია და ის გამოიყენება რისკ ჯგუფებში. პირველ ეტაპზე ის ადამიანები აიცრებიან, ვისაც ეს უკიდურესად ესაჭიროება. დღეს ჩვენ გვაქვს მიღებული პირველი რაოდენობა და შემდეგ კვირაში დამატებით ოდენობას ველოდებით. ნოემბრის პირველ ნახევარში კი უკვე გვექნება სრული მოცულობით შემოტანილი ვაქცინა. მნიშვნელოვანია, მოთმინებით და შეგნებით მოვიქცეთ. საქართველოს აღრიცხული ჰყავს ის ადამიანები, ვისაც ვაქცინა ესაჭიროება, მათ დაუკავშირდებიან უბნის ექიმები და ეს ადამიანები აიცრებიან", - განაცხადა ტიკარაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 17.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
“მეამა ქოლექთის” ყავის უნიკალური კოქტეილები ბათუმშია