გიორგი მიქაუტაძის განცხადებით, იუსტიციის საბჭოს თავმჯდომარის თანამდებობაზე ნინო ქადაგიძის კანდიდატურა მოსამართლე წევრების სრული კონსენსუსით შეირჩა

იუსტიციის უმაღლესი საბჭოს მდივნის გიორგი მიქაუტაძის განცხადებით, საბჭოს თავმჯდომარის თანამდებობაზე ნინო ქადაგიძის კანდიდატურა მოსამართლე წევრების სრული კონსენსუსით შეირჩა.

როგორც გიორგი მიქაუტაძემ ჟურნალისტებს განუცხადა, პირადად მას კონსულტაციები ჰქონდა საბჭოს მოსამართლე წევრებთან, რის შემდეგაც ნინო ქადაგიძის კანდიდატურაზე შეჯერდნენ.

კითხვაზე, გამომდინარე იქიდან, რომ ნინო ქადაგიძე ამავდროულად უზენაესი სასამართლოს თავმჯდომარეა, რა აძლევს იმის საფუძველს, რომ მის ხელში არ მოხდება ძალაუფლების კონცენტრაცია, გიორგი მიქაუტაძე პასუხობს, რომ ამის საფუძველს, პირველ რიგში, ქმნის ნინო ქადაგიძის წარსული საქმიანობა, ყველა ის თვისება და ღირსება, რომელიც მას გააჩნია. მიქაუტაძის თქმით, სწორედ ამ ფაქტორის გათვალისწონებით გააკეთა საბჭომ მასზე არჩევანი.

„ეს იყო სრული კონსენსუსი მოსამართლე წევრებს შორის. შესაბამისად, სხვა კანდიდატურა არ ყოფილა დაყენებული“, - განაცხადა გიორგი მიქაუტაძემ.

მისივე განმარტებით, იუსტიციის უმაღლესი საბჭოს თავმჯდომარე აღნიშნულ პოსტს 4 წლის განმავლობაში უხელმძღვანელებს.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)