ვახტანგ გომელაური საქართველოში საფრანგეთის ელჩს შეხვდა

შინაგან საქმეთა მინისტრმა, ვახტანგ გომელაურმა საქართველოში საფრანგეთის რესპუბლიკის საგანგებო და სრულუფლებიან ელჩთან, დიეგო კოლასთან შეხვედრა გამართა. ამის შესახებ „ინტერპრესნიუსს“ შინაგან საქმეთა სამინისტროდან აცნობეს.

უწყების ინფორმაციით, ელჩმა შინაგან საქმეთა მინისტრს წარუდგინა საფრანგეთის შიდა უსაფრთხოების ახალი ატაშე, ერვე ჟამე, რომელიც მიმდინარე წლის სექტემბრიდან შეუდგა საქართველოში საქმიანობას. შეხვედრას, ასევე, ესწრებოდა საფრანგეთის მიგრაციის მეკავშირე ოფიცერი, ამინ ტარტაგი.

ვახტანგ გომელაურმა საფრანგეთის შიდა უსაფრთხოების ახალ ატაშეს თანამდებობაზე დანიშვნა მიულოცა და მომავალ საქმიანობაში წარმატება უსურვა.

„შეხვედრაზე მხარეებმა ხაზგასმით აღნიშნეს ორგანიზებული დანაშაულისა და უკანონო მიგრაციის წინააღმდეგ ბრძოლის მიმართულებით გადადგმული ეფექტიანი ნაბიჯები. გარდა ამისა, განსაკუთრებულად აღინიშნა საფრანგეთის რესპუბლიკაში მივლენილი ქართველი პოლიციელების საქმიანობა. ვახტანგ გომელაურმა და საფრანგეთის ელჩმა დამატებით განიხილეს ევროკავშირთან უვიზო რეჟიმთან დაკავშირებით საქართველოს შინაგან საქმეთა სამინისტროს მიერ განხორციელებული და მიმდინარე ღონისძიებები“, - ნათქვამია ინფორმაციაში.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“