გია ვოლსკი ანა დოლიძის ბრალდებებზე - რატომ, რა ჯანდაბად მინდა! - იქნებ, თავის მიერ არის გაკეთებული, რათა შემდეგ, ჩემზე ილაპარაკოს, რომ ვავიწროვებ

რატომ, რა ჯანდაბად მინდა! - ეს რეპლიკა “ქართული ოცნების“ ერთ-ერთმა ლიდერმა გია ვოლსკიმ დიდუბე-ჩუღურეთის მაჟორიტარობის კანდიდატის ანა დოლიძის პასუხად გააკეთა, რომელიც ვოლსკის საარჩევნო შტაბს ადევნებასა და მისი კამპანიის თვალთვალში ადანაშაულებს.

ვოლსკის თქმით, ბრალდება მისი შტაბის წევრების ადევნების თაობაზე, იუმორისტულია. ვოლსკი ირწუნება, რომ ასეთ რამეს არ იკადრებს და ის პოლიტიკური მოწინააღმდეგის მიმართაც კი ლოიალურია.

“რა სისულელეა და როგორ შეიძლება ჯანსაღად მოაზროვნე ადამიანმა ასეთი რამ დაუშვას ან რაში შეიძლება დამჭირდეს?! იქნებ თავის მიერ არის გაკეთებული, რომ მერე ჩემზე ილაპარაკოს, რომ მე მას ვავიწროვებ“, - აღნიშნა ვოლსკიმ ჟურნალისტებთან საუბრისას.

მან აქვე დასძინა, რომ ცუდად უყურებს ადამიანს, ვინც სულელური და უსაფუძვლო ბრალდებებით მისი პიროვნების დამცირებას ცდილობს.

როგორც დოლიძემ დღეს განაცხადა, “ქართული ოცნების“ აქტივისტები მოქალაქეებთან მის შეხვედრებს უთვალთვალებენ და ვიდეოს იღებენ. დოლიძე ფაქტის გამოძიებას, ორგანიზატორების გამოვლენას და საქმეზე მის დაზარალებულად ცნობას ითხოვს.

“ჩემი კამპანიის თითოეულ შეხვედრას თან სდევს თვალთვალი და ვიდეო გადაღება გია ვოლსკის და „ქართული ოცნების“ წარმომადგენლების მიერ. მაქვს კონკრეტული ფაქტები, ფოტოები ხალხის, ე.წ. ასინეთების, რომელიც დაქირავებული ჰყავს გია ვოლსკის შტაბს და „ქართულ ოცნებას“ იმისთვის, რომ უთვალთვალონ ჩვენს კამპანიას და გადაიღოს ყველა მოქალაქე, რომელიც ჩვენს შეხვედრაზე დადის. ჩემს ყველა ბოლო შეხვედრაზე ადგილი აქვს მსგავს გადაღებას და თვალთვალს, ეს ფაქტები დაფიქსირებული გვაქვს. მოვითხოვ ადევნების მუხლით გამოვლინდეს ამ სისტემატური თვალთვალის მონაწილეები, ეს ქალბატონი ასინეთები. გამოვლინდეს და დაისაჯოს ორგანიზატორი და მე მცნონ დაზარალებულად იმისთვის, რომ შევძლო და მოვითხოვო, რომ ამ საქმესთან დაკავშირებით გამოძიება წინ წავიდეს. თქვენ იცით, რომ გამოძიებამ წერეთლის 105-ში მომხდარ თავდასხმაზე არანაირი შედეგი არ დადო, შესაბამისად, მე მინდა მოვითხოვო, რომ ადევნების ნაწილში მცნონ დაზარალებულად“,- განაცხადა ანა დოლიძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს