რელიგიის საკითხთა სახელმწიფო სააგენტოს საქართველოში უნგრეთის ელჩი სტუმრობდა

რელიგიის საკითხთა სახელმწიფო სააგენტოს უნგრეთის ელჩი საქართველოში, ვიქტორია ჰორვატი ეწვია. ამის შესახებ „ინტერპრესნიუსს“ რელიგიის სააგენტოდან აცნობეს.

ინფორმაციაში აღნიშნულია, რომ რელიგიის სააგენტოს თავმჯდომარემ, ზაზა ვაშაყმაძემ შეხვედრაზე რელიგიის საკითხთა სახელმწიფო სააგენტოს შექმნის ისტორიის, მისი ფუნქციონირების, მიზნებისა და ამოცანების შესახებ ისაუბრა.

მან ასევე სტუმარს გააცნო საქართველოს რელიგიური პოლიტიკა და ინფორმაცია მიაწოდა სახელმწიფოს მიერ არსებული რელიგიური კონფესიების დაფინანსებისა და საკულტო შენობა-ნაგებობების გადაცემის შესახებ.

მათივე ცნობით, საუბარი შეეხო ინტერრელიგიური სათათბიროს საქმიანობას, როგორც ურთიერთობის ეფექტურ ფორმატს.

„თავმჯდომარემ სტუმარს გადასცა სააგენტოს მიერ გამოცემული რელიგიური რუკები, ინტერრელიგიური კალენდარი, წლების მანძილზე ჩატარებული კონფერენციის მასალები, ფოტო ალბომები და სხვა გამოცემები.

სააგენტოს თავმჯდომარემ შეხვედრაზე აღნიშნა ქვეყანაში არსებული რელიგიური მრავალფეროვნების, საქართველოს სახელმწიფოს მიერ რელიგიის თავისუფლების დაცვის, ტოლერანტული გარემოს ხელშესაწყობად განხორციელებული პროექტები, ასევე ადამიანის უფლებათა სამთავრობო სამოქმედო გეგმის ფარგლებში ჩატარებული ტრენინგებისა და სხვა აქტივობების შესახებ.

ელჩმა მადლობა გადაუხადა რელიგიის საკითხთა სახელმწიფო სააგენტოს თავმჯდომარეს გულთბილი მიღებისათვის, მოიწონა სახელმწიფოს მიერ რელიგიური ორგანიზაციებთან მუშაობის მექანიზმი და წარმოებული სახელმწიფო პოლიტიკა და რელიგიის სააგენტოსთან ერთობლივი პროექტების განხორციელების ინიციატივით გამოვიდა, მისი აზრით საინტერესო იქნება რელიგიური ტურიზმის მიმართულებით თანამშრომლობა, რაც კიდევ უფრო გააძლიერებს და განამტკიცებს ორ ქრისტიანულ ქვეყანას შორის მეგობრობას.

შეხვედრის დასასრულს, საუბარი შეეხო, სამომავლოდ რელიგიის სააგენტოს ვიზიტს უნგრეთის რესპუბლიკაში და კოლეგა ორგანიზაციასთან შეხვედრას ორმხრივი გამოცდილების გაზიარებისთვის“, - აღნიშნული ინფორმაციაში.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია