„ჯორჯიან უოთერ ენდ ფაუერი“, დედაქალაქის სტაბილური წყალმომარაგებისთვის, მნიშვნელოვან პროექტებზე მუშაობას ყველა რეკომენდაციის დაცვითა და გათვალისწინებით აგრძელებს. ამის შესახებ „ინტერპრესნიუსს“ თავად კომპანიიდან აცნობეს.

კომპანია გლდანის რაიონში, ბაღნარისა და მანაგაძის ქუჩებზე წყალმომარაგების სისტემაზე სარეაბილიტაციო სამუშაოებს ახორციელებს.

Jwp-ის ინფორმაციით, პროექტის ფარგლებში სრულად განახლდება 4 კილომეტრამდე სიგრძის წყალმომარაგების ქსელი. ახალ ქსელზე ევროსტანდარტის ჩამკეტ-მარეგულირებელი ურდულები, სახანძრო ჰიდრანტები და საკვანძო ჭები მოეწყობა.

როგორც კომპანიაში აცხადებენ, სამუშაოების ჩატარებით წყალმომარაგება გაუუმჯობესდება აღნიშნული ქუჩების 200-ზე მეტ აბონენტს.

Jwp სარეაბილიტაციო პროექტში ერთ მილიონ ლარზე მეტ ინვესტიციას განახორციელებს.