ზურაბ ჭიაბერაშვილი - როცა მთავრობა გაზაფხულზე გაუმართლებელ შეზღუდვებს აწესებს, რომლისაც ხალხს არ სჯერა და არ ენდობა, ვიღებთ მეორე უკიდურესობას - ქაოსს

„ევროპული საქართველოს“ მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი კორონავირუსთან ბრძოლის საკითხი ხელისუფლების მართვის პოლიტიკას აკრიტიკებს და აცხადებს, რომ „ქართული ოცნების“ მთავრობამ ეპიდემია წარმატებით ვერ მართა.

როგორც მან ჟურნალისტებს განუცხადა, ხელისუფლებამ გაუმართლებელი შეზღუდვები დააწესა იმ სიტუაციაში, როდესაც ამის საჭიროება არ იყო.

„მთავრობის მიერ ეპიდემიის არასწორი მართვა გამოიხატება იმაში, თითქოს საერთოდ არ გვექნებოდა ტალღა, ამიტომ არის, რომ ამ შემოდგომის ტალღასაც იმ პრობლემების გაუთვალისწინებლად შევხვდით, რასაც გაზაფხულზე უკვე ნათელი იყო. შესაბამისად, როცა მთავრობა გაზაფხულზე გაუმართლებელ შეზღუდვებს აწესებს, რომლისაც ხალხს არ სჯერა და არ ენდობა, ვიღებთ მეორე უკიდურესობას - ქაოსს, რომელსაც მოყვება იმ ტიპის ტალღა, რაც დღეს გვაქვს. გაზაფხულზე რომ მთავრობას ამ ეპიდემიის რაციონალური და გონივრული მართვა დაეწყო, რომ ყოფილიყო ზომიერი რეგულაციები, რომელაც თანმიმდევრულად და მუდმივად საზოგადოება დაიცავდა, ასეთ შემთხვევაში, ჩვენ დღეს ის მდგომარეობა არ გვექნებოდა, რაც გვაქვს. ტალღა შეიძლებოდა ყოფილიყო, მაგრამ საზოგადოებაც და სამედიცინო სექტორიც უფრო გამართულად შევხვდებოდით. ჯანდაცვის სამინისტროს არ გაუტარებია ის აუცილებელი ღონისძიებები, რაც დაეხმარებოდა ჩვენს მედიკოსებს იმისთვის, რომ დღეს ასეთ ტალღას გამკლავებოდნენ. ამიტომაც გვაქვს მედპერსონალში ინფიცირების ასეთი მაღალი დონე“, - აცხადებს ჭიაბერაშვილი.

მისი განმარტებით, მთავრობა ეპიდემიოლოგიური ვითარების შესახებ ინფორმაციას მალავს, ნაცვლად იმისა, რომ სამოქმედო გეგმაზე საუბრობდეს.

„დღეს თვალნათლივ გამოჩნდა, რომ აბსოლუტური ილუზია და მითი იყო, თითქოს „ქართული ოცნების“ მთავრობამ წარმატებით მართა ეს ეპიდემია. სინამდვილეში მათ დააწესეს გაუმართლებელი შეზღუდვები, როდესაც ამის საჭიროება არ იყო, დანაზოგები გაუნულეს, შემოსავალი დააკარგვინეს ხალხს და ახლა ზამთარს ეკონომიკურად კიდევ უფრო დასუსტებულები ვხდებით“, - განაცხადა ჭიაბერაშვილმა.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ქართული პრესის მიმოხილვა 28.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო