FAO-ს ინფორმაციით, „მსოფლიო სურსათის დღე“ გაერო-ს კალენდრის ერთ-ერთი ყველაზე მნიშვნელოვანი ღონისძიებაა, რომელიც მსოფლიოს 150-ზე მეტ ქვეყანაში აღინიშნება

FAO-ს ინფორმაციით, „მსოფლიო სურსათის დღე“ გაეროს კალენდრის ერთ-ერთი ყველაზე მნიშვნელოვანი ღონისძიებაა, რომელიც მსოფლიოს 150-ზე მეტ ქვეყანაში აღინიშნება. დღეს გაეროს სურსათისა და სოფლის მეურნეობის ორგანიზაცია (FAO) მთელ მსოფლიოს მოუწოდებს, რომ სწრაფი და ეფექტიანი მოქმედებით, კიდევ უფრო მიუახლოვდეს გაეროს მდგრადი განვითარების მეორე მიზანს – შიმშილის აღმოფხვრას დედამიწაზე და ჯანსაღი საკვების საყოველთაო ხელმისაწვდომობას.

მათივე ცნობით, ბოლო მონაცემებით, 2 მილიარდზე მეტ ადამიანს მსოფლიოში მუდმივად არ მიუწვდება ხელი უვნებელ, სასარგებლო საკვებზე. მსოფლიო მოსახლეობა დაახლოებით 10 მილიარდს მიაღწევს 2050 წლისთვის, რაც მნიშვნელოვნად გაზრდის სურსათზე მოთხოვნას. ამ გლობალურ გამოწვევას, რომელიც საფრთხეს უქმნის სურსათის უსაფრთხოებას, კვების რაციონსა და საარსებო პირობებს, წელს COVID-19-ის პანდემია დაემატა.

„მსოფლიო სურსათის დღე“ წელს სურსათის გმირებს ეძღვნება, ადამიანებს, რომლებიც პანდემიისა და რთული გარემოებების მიუხედავად, ადამიანების საკვებით უზრუნველყოფას განაგრძობენ. სურსათის გმირებად დღეს ითვლებიან ფერმერები, სურსათის მაღაზიის თანამშრომლები, თუ სურსათის გადამზიდავი მძღოლები, რომლებიც, მრავალი გამოწვევის მიუხედავად, ძალ-ღონეს არ იშურებენ და უზრუნველყოფენ საკვებს ფერმიდან სუფრამდე.

„FAO-ს წარმომადგენლობა საქართველოში მსოფლიოსთან ერთად აღნიშნავს „მსოფლიო სურსათის დღეს“, რომელიც, ამავდროულად, ორგანიზაციის დაარსების დღეც გახლავთ. ეს წელი, პანდემიისა და მასთან დაკავშირებული შეზღუდვების გამო, მძიმე გამოდგა, ამიტომ გვინდა, ამ დღეს განსაკუთრებული მადლობა გადავუხადოთ ქართველ ფერმერებს, მცირე მეწარმეებსა და ვეტერინარებს, რომლებიც უმკლავდებიან პანდემიით გამოწვეულ სირთულეებს, აგრძელებენ საკვების წარმოებას და მომხმარებლისთვის მიწოდებას“, - აცხადებს FAO-ს წარმომადგენელი საქართველოში, მამუკა მესხი.

„მსოფლიო სურსათის დღეზე“ წელს, FAO დაარსების 75-ე იუბილე და საქართველოში FAO-ს მოღვაწეობის 25-ე წელი აღინიშნება. დღევანდელი დღე ორგანიზაციას საერთაშორისო მისიების წარმომადგენლებმა და პარტნიორებმა მიულოცეს.

„75 წელია გაერო ზრუნავს მსოფლიო სასურსათო უსაფრთხოებაზე და უზრუნველყოფაზე, რაც უფრო აქტუალური გახდა COVID-ის პირობებში. მინდა მსოფლიო საზოგადოებას მივულოცო მსოფლიო სასურსათო დღე. ეს არის მნიშვნელოვანი თარიღი გაეროს კალენდარში, განსაკუთრებით დღე, როდესაც ჩვენ ვზრუნავთ ადამიანებზე, ვზრუნავთ იმაზე, რომ მსოფლიო იყოს შიმშილის გარეშე“,- განაცხადა საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა.

„ნება მომეცით, შევუერთდე მოლოცვებს და მთელი გულით მოგილოცოთ FAO-ს 75 წლის იუბილე. ძალიან დიდი მადლობა თავდაუზოგავი შრომისთვის, რომელსაც FAO საქართველოში ჩვენთან ერთად ეწევა, ეკონომიკისა და სოციალური პირობების გაუმჯობესებისთვის“, - განაცხადა ევროკავშირის ელჩმა საქართველოში, კარლ ჰარცელმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!