ჯანდაცვის სამინისტროს ჯანდაცვის პოლიტიკის სამმართველოს უფროსის, ეკატერინე ადამიას განცხადებით, კლინიკებს, რომლებიც კოვიდის მართვის პროცესში ჩაერთვებიან, გამოცდილი რეანიმატოლოგები და ინფექციონისტები გაუწევენ კონსულტაციებს.
მისივე თქმით, კლინიკების კონსულტირება სახელმწიფოს მხრიდან იქნება ანაზღაურებული.
„ჩვენ შემოვიღეთ კონსულტანტების მექანიზმი, რაც იმას ნიშნავს, რომ ნებისმიერ ახალ კლინიკას, რომელიც ჩაერთვება პროცესში, შესაძლებლობა აქვს გამოცდილი რეანიმატოლოგების ან ინფექციონისტების ჯგუფი მიიწვიოს ადგილზე, გამოიყენოს მათი გამოცდილება და შესაძლებლობა. ეს ყველაფერი აუცილებლად სახელმწიფოს მხრიდან იქნება ანაზღაურებული“, - განაცხადა ადამიამ.