საქართველოს ელჩი თურქეთში გიორგი ჯანჯღავა თურქეთის კულტურისა და ტურიზმის მინისტრის მოადგილეს ნადირ ალფასლანს შეხვდა. ამის შესახებ ინფორმაციას საგარეო საქმეთა სამინისტრო ავრცელებს.

უწყების ცნობით, შეხვედრაზე, მხარეების მიერ განხილულ იქნა ორ ქვეყანას შორის კულტურისა და ტურიზმის სფეროში თანამშრომლობის დღის წესრიგში არსებული საკითხები, რომლის ფარგლებშიც, განსაკუთრებული ყურადღება გამახვილდა კულტურული მემკვიდრეობის ძეგლების დაცვის სფეროში თანამშრომლობის პლატფორმის გაღრმავების მნიშვნელობაზე.

როგორც საგარეო საქმეთა სამინისტროში აცხადებენ, შეხვედრის ფარგლებში, მხარეები შეთანხმდნენ, ზემოაღნიშნული მიმართულებით მოკლე და გრძელვადიან სამოქმედო გეგმებზე.