ბელარუსის დედაქალაქ მინსკში ალექსანდრე ლუკაშენკოს გადადგომის მოთხოვნით საპროტესტო აქცია მიმდინარეობს.
ადგილობრივი მედიის ინფორმაციით, ქალაქში სპეცდანიშნულების რაზმები და სპეცტექნიკაა მობილიზებული.
დემონსტრანტებსა და სამართალდამცველებს დღეს ოპოზიციის ლიდერმა, პრეზიდენტობის ყოფილმა კანდიდატმა სვეტლანა ტიხანოვსკაიამაც მიმართა.
„ძალოვანი სტრუქტურების თითოეული თანამშრომელი დღეს თავად ირჩევს, ვის იცავს: თავის ხალს თუ თავის უფროსებს“, – განაცხადა მან.
აღსანიშნავია, რომ დღეს ალექსანდრ ლუკაშენკოსთვის ოპოზიციის მიერ წარდგენილი ულტიმატუმის ვადა იწურება, რომლის გასვლის შემდეგაც ისინი მასობრივ გამოსვლებსა და გზების ბლოკირებას აპირებენ.