ლევან გოგიჩაიშვილი პარლამენტის თავმჯდომარეს - კოლეგებისადმი თქვენი პასუხები რეგლამენტთან დაკავშირებით რადიოთი ჩაიწერეთ და მერე ისე გაამეორეთ ხოლმე

კოლეგებისადმი თქვენი პასუხები რეგლამენტთან დაკავშირებით რადიოთი ჩაიწერეთ და მერე ისე გაამეორეთ ხოლმე, - ამ სიტყვებით პარლამენტის ბიუროს სხდომაზე, დეპუტატმა ლევან გოგიჩაიშვილმა პარლამენტის თავმჯდომარეს არჩილ თალაკვაძეს მიმართა.

თავის მხრივ, გოგიჩაიშვილი დეპუტატ ბექა ნაცვლიშვილის მოთხოვნას გამოეხმაურა, რომელმაც ნამახვან ჰესის მშენებლობის პრობლემაზე ისაუბრა და პარლამენტში ეკონომიკის მინისტრის ნათია თურნავას დაბარების საკითხი დასვა. თალაკვაძემ კი ნაცვლიშვილს მიმართა, რომ მინისტრის პარლამენტში მოსვლის წესს რეგლამენტი არეგულირებდა და ფრაქციის სახელით კომიტეტისთვის მიემართა.

„ნურავის უმტკიცებთ, რომ რეგიონის, გარემოს დაცვის ან ენერგეტიკის ბედი ვინმეზე მეტად გაინტერესებთ, პარლამენტი თავის საზედამხედველო როლს ნებისმიერი მაღალი ინტერესის საკითხზე შეასრულებს“, - განაცხადა თალაკვაძემ ნაცვლიშვილის საპასუხოდ.

„ჩვენ ეს საკითხი თქვენზე მეტად გვაინტერესებს ბატონ არჩილ, რადგან ჩვენ ამ ქვეყნის ინტერესებს ვემსახურებით, ხოლო თქვენ ივანიშვილისა და უჩა მამაცაშვილის კორუფციულ ინტერესებს ემსახურებით. ეს არის განსხვავება თქვენსა და ჩვენს შორის“, - ამ სიტყვებით თალაკვაძეს ლევან გოგიჩაიშვილმა მიმართა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს