აშშ-ში, კალიფორნიის შტატში, ძლიერი ტყის ხანძრის გამო 90 800 -მდე ადამიანის ევაკუაციის ბრძანება გასცეს, - ამის შესახებ ინფორმაციას Reuters-ი ავრცელებს.

შტატში ხანძრის ორ ძლიერ კერას 500-ზე მეტი მეხანძრე ებრძვის. ადგილობრივი ხელისუფლების ცნობით, ორმა ახალგაზრდა მეხანძრემ სერიოზული დამწვრობა მიიღო და ორივე მათგანის მდგომარეობა მძიმეა.

გავრცელებული ინფორმაციით, ხანძრის ჩაქრობას ძლიერი ქარი აფერხებს.

აღსანიშნავია, რომ მიმდინარე წლის დასაწყისიდან დღემდე კალიფორნიის ხანძარმა, საერთო ჯამში, 16 500 კვადრატული კილომეტრი მოიცვა, განადგურდა ათასობით სახლი. სტიქიას დღემდე 31 ადამიანის სიცოცხლე ემსხვერპლა.