კახა კალაძე - არ გამოვრიცხავთ, რომ უპასუხისმგებლო პოლიტიკური ძალები გარკვეული პროვოკაციების მოწყობას შეეცადონ - გთხოვთ, არ ავყვეთ პროვოკაციებს

არ გამოვრიცხავთ, რომ უპასუხისმგებლო კონკრეტული პოლიტიკური ძალები გარკვეული პროვოკაციების მოწყობას შეეცადონ. მინდა გთხოვოთ, რომ არ ავყვეთ პროვოკაციებს , - ამის შესახებ "ქართული ოცნების" გენერალურმა მდივანმა კახა კალაძემ განაცხადა.

მისივე თქმით, "ქართული ოცნების" გამარჯვებამდე დარჩა სამი დღე.

"მინდა ჩვენს მხარდამჭერებსა და თანაგუნდელებს ნაძალადევის რაიონიდან მივმართო, ჩვენს გამარჯვებამდე დარჩა სამი დღე. მინდა ყველას გთხოვოთ და მოგიწოდოთ, რომ შევინარჩუნოთ მაქსიმალური სიმშვიდე. არ გამოვრიცხავთ იმას, რომ უპასუხისმგებლო კონკრეტული პოლიტიკური ძალები გარკვეული პროვოკაციების მოწყობას შეეცადონ, როგორც მათ ყველა არჩევნების წინ სჩვევიათ ხოლმე. მინდა გთხოვოთ, რომ არავითარ შემთხვევაში, არ ავყვეთ პროვოკაციებს, პირიქით, მშვიდად, დინჯად, როგორც ეს სჩვევია "ქართული ოცნება -დემოკრატიულ საქართველოს", ჩვენს მხარდამჭერებს, ასე სიმშვიდით უნდა გავიმარჯვოთ 31 ოქტომბერს. არ იფიქროთ, რომ ეს მხოლოდ ჩვენი პარტიული გამარჯვება იქნება ან კონკრეტული კანდიდატის, ეს იქნება ჩვენი ქვეყნის გამარჯვება, ჩვენი სამშობლოს გამარჯვება", - განაცხადა კახა კალაძემ.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)