გიორგი გახარია - 2 დღეში ჩვენ მთელს მსოფლიოს უნდა ვაჩვენოთ, როგორია პანდემიის პირობებში დემოკრატიული, ღია არჩევნების ჩატარება

2 დღეში ჩვენ მთელს მსოფლიოს უნდა ვაჩვენოთ, როგორია პანდემიის პირობებში დემოკრატიული, ღია არჩევნების ჩატარება, - ამის შესახებ საქართველოს პრემიერ-მინისტრმა გიორგი გახარიამ პარტიის დიდუბე-ჩუღურეთის მაჟორიტარობის კანდიდატად გიორგი ვოლსკის წარდგენაზე განაცხადა.

მისივე თქმით, საქართველოს უახლოესი 4 წლის განმავლობაში რეგიონში ყველაზე სწრაფი ეკონომიკური ზრდა ექნება და ინფრასტრუქტურულ პროექტებში 20 მილიარდ ლარს დახარჯავს.

„არჩევნების ჩატარება საკმაოდ უჩვეულო გარემოში გვიწევს, საარჩევნო კამპანიაც უჩვეულო გარემოში - პირბადეებით ჩავატარეთ, მაგრამ ერთმანეთზე ზრუნვით და პასუხისმგებლობის დიდი გრძნობით, ზოგიერთებისგან განსხვავებით... 2 დღეში ჩვენ მთელს მსოფლიოს უნდა ვაჩვენოთ, როგორია პანდემიის პირობებში დემოკრატიული, ღია არჩევნების ჩატარება. ასეთი მაგალითი ყველას უნდა მიცეთ და ჩვენ ამის შესაძლებლობა გვაქვს. ეს უნდა გავაკეთოთ იმისთვის, რომ მეორე დღეს, პირველი ნოემბრიდან, ჩვენ ყველამ ის პროექტი უნდა გავაგრძელოთ, რომელზეც ერთად ვმუშაობთ. კარგად გვესმის, რომ ჩვენი ქვეყნის უმთავრესი გამოწვევა - სამუშაო ადგილების შექმნა და ეკონომიკაა. ამიტომ მე შემიძლია გითხრათ, რომ იმ გეგმით, რომელიც ჩვენ გვაქვს და იმ პროგრამით, რომელიც დამუშავებულია - უახლოესი 4 წლის განმავლობაში საქართველოს რეგიონში ყველაზე სწრაფი ეკონომიკური ზრდა ექნება. ასევე მინდა გითხრათ, რომ შემდგომი 4 წლის განმავლობაში საქართველო ინფრასტრუქტურულ პროექტებში დახარჯავს 20 მილიარდ ლარს, რა თქმა უნდა, თბილისშიც. ჩვენ ყველაფერს ვაკეთებთ, რომ სხვადასხვა ქალაქებში, დაბებსა და სოფლებში მოქალაქეებს თანაბარი პირობები შევუქმნათ. ასევე, ოკუპაცია არც ერთი წამით არ უნდა დავივიწყოთ. საქართველოს სრული განვითარება შესაძლებელია, მხოლოდ ტერიტორიული სრულად აღდგენის პირობებში“, - განაცხადა გახარიამ.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს