აზერბაიჯანის პრეზიდენტის თანაშემწე - სომხურ მხარეს 30 ჯარისკაცის ცხედარი გადავეცით
სომხურ მხარეს ბრძოლის ველზე დარჩენილი 30 სომეხი ჯარისკაცის ცხედარი გადავეცით, - ამის შესახებ აზერბაიჯანის პრეზიდენტის თანაშემწემ ჰიქმეთ ჰაჯიევმა განაცხადა.
მისივე თქმით, ჰუმანიტარული დერეფანი სომხეთ-აზერბაიჯანის საზღვრის თოვუზი-გაზახის მიმართულებით მოეწყო.
შეგახსენებთ, მთიან ყარაბაღში სიტუაცია 27 სექტემბერს დაიძაბა. მხარეებმა ჰუმანიტარული მიზნით ცეცხლის შეწყვეტის შესახებ შეთანხმებას სამჯერ მიაღწიეს, თუმცა კონფლიქტის ზონაში საბრძოლო მოქმედებები არ წყდება. სომხეთი და აზერბაიჯანი ცეცხლის შეწყვეტის რეჟიმის დარღვევაში ერთმანეთს ადანაშაულებენ.
