გიორგი მიქაუტაძე - მნიშვნელოვანი საკითხი, რაც შეიძლება გამოიყოს თავად რეფორმაშიც და საბჭოს მუშაობაშიც, მოსამართლეთა უვადოდ დანიშვნის წესის შემოღებაა

ვფიქრობ, რომ ძალიან ნაყოფიერი იყო ბოლო მოწვევის საბჭოს საქმიანობის პერიოდი, - ამის შესახებ იუსტიციის უმაღლესი საბჭოს ყოფილმა მდივანმა გიორგი მიქაუტაძემ მისი საქმიანობის პერიოდის შეფასებისას განაცხადა. მისივე თქმით, ბოლო მოწვევის საბჭოს ყველაზე დიდი მიღწევა მოსამართლეთა უვადოდ დანიშვნის წესის შემოღება იყო.

“ვფიქრობ, რომ ძალიან ნაყოფიერი იყო ბოლო მოწვევის საბჭოს საქმიანობის პერიოდი. აუცილებლად უნდა აღინიშნოს, რომ ჩვენ ძალიან ბევრი რეფორმა გავიარეთ ერთად და ამ რეფორმების იმპლემენტაცია სრულად იყო დამოკიდებული იუსტიციის უმაღლესი საბჭოს აქტიურობაზე და მის საქმიანობაზე. მნიშვნელოვანი საკითხები რაც შეიძლება გამოიყოს თავად რეფორმაშიც და საბჭოს მუშაობაშიც იყო პირველ რიგში იყო მოსამართლეთა უვადოდ დანიშვნის წესის შემოღება და ჩვენი მოწვევის საბჭომ დაახლოებით 80%-მდე მოსამართლეების უვადოდ განწესება შეძლო, რაც ვფიქრობ, რომ არის მთავარი მიღწევა ამ მოწვევის საბჭოში და სასამართლო დამოუკიდებლობის გაძლიერების კუთხით ასეთი დიდი ნაბიჯები გადადგმული, ვფიქრობ, რომ არ ყოფილა”,- განაცხადა მიქაუტაძემ.

ამასთან, მიქაუტაძემ აღნიშნა, რომ იუსტიციის საბჭოზე რაიმე ტიპის გავლენაზე საუბარი არის გამორიცხული, ვინაიდან აბსოლუტურად ღიად ხდება და ხდებოდა მოსამართლეების არჩევა.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა