საგარეო საქმეთა სამინისტროსა და ფონდ „ათინათს" შორის ურთიერთთანამშრომლობის მემორანდუმი გაფორმდა

2020 წლის 30 ოქტომბერს, საქართველოს საგარეო საქმეთა სამინისტროსა და ააიპ ფონდ „ათინათს" შორის ურთიერთთანამშრომლობის მემორანდუმი გაფორმდა, რომელსაც საგარეო საქმეთა სამინისტროს მხრიდან, მინისტრის მოადგილემ, ვლადიმერ კონსტანტინიდიმ, ხოლო ფონდის მხრიდან, მისმა დირექტორმა, ანა ალავერდაშვილმა მოაწერეს ხელი.

მემორანდუმი, სახელმწიფოსა და სამოქალაქო საზოგადოების კოორდინირებული ურთიერთქმედების საფუძველზე ითვალისწინებს სამინისტროსა და ფონდს შორის თანამშრომლობას, საქართველოს, როგორც უძველესი კულტურის მქონე ქვეყნის ცნობადობის გაზრდას, დამოუკიდებელი ქართული სახელმწიფოს მშენებლობის საქმეში დიასპორის და უცხოეთში მცხოვრები ქართველების აქტიურ მონაწილეობას და საერთაშორისო ასპარეზზე ქართული კულტურისა და ხელოვნების პოპულარიზაციას.

ფონდის მიერ შექმნილი სპეციალური საგანმანათლებლო ინტერნეტპლატფორმა ქართული კულტურის და ენის ანიმაციური სასწავლო-შემეცნებითი კურსით, განკუთვნილია საზღვარგარეთ მცხოვრები სკოლამდელი ასაკის ბავშვებისთვის. აქამდე სამინისტროში არსებული „საკვირაო სკოლების მხარდაჭერის" პროგრამა მოიცავდა შედარებით უფროსი - სკოლის ასაკის ბავშვებს.

ფონდ „ათინათთან" თანამშრომლობით, საზღვარგარეთ მცხოვრები სკოლამდელი ასაკის ბავშვებს პირველად ეძლევათ შესაძლებლობა ისარგებლონ ქართული ენის სწავლების მიზნით შექმნილი ანიმაციური პროგრამით.

ინფორმაციას საგარეო საქმეთა სამინისტრო ავრცელებს.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით