საქართველოს საგარეო საქმეთა მინისტრი, დავით ზალკალიანი თურქეთში, იზმირის პროვინციაში მომხდარი მიწისძვრის გამო ღრმა მწუხარებას გამოთქვამს.

აღნიშნულის შესახებ განცხადებას დავით ზალკალიანი „ტვიტერის“ გვერდზე აქვეყნებს.

„ჩვენი ფიქრებით თურქი ხალხის გვერდით ვართ და ვლოცულობთ დამანგრეველი მიწისძვრით დაზარალებულთა ოჯახებისთვის, დაშავებულებს კი სრულყოფილ გამოჯანმრთელებას ვუსურვებთ", - წერს ზალკალიანი.

ცნობისთვის, დასავლეთ თურქეთში მომხდარი ძლიერი მიწისძვრის შედეგად, ბოლო მონაცმებით დაშავებულთა რაოდენობა 419-მდე გაიზარდა, გარდაცვლილია 12 ადამიანი.