გიგი უგულავა - მე პირადად ამ პარლამენტში არ შევიდოდი

მე პირადად ამ პარლამენტში არ შევიდოდი, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ ჟურნალისტებს განუცხადა.

მისივე თქმით, პარლამენტში შესვლასთან დაკავშირებით იმ პარტიების პოზიცია, რომლებმაც 1%-იანი ბარიერი გადალახეს, ერთ დღეში გახდება ცნობილი, რადგან ეს ვადა კონსულტაციებისთვის ითხოვეს.

„ევროპული საქართველო“ მიიჩნევს, რომ ეს არ იყო არჩევნები და არ ვცნობთ ამ არჩევნებს. მაღალი ალბათობით, იმ ადამიანებთან, ვინც სიით გავიდნენ, უნდა ვისაუბროთ, საბოლოო პოზიცია ჩამოყალიბდება დღეს, დღის განმავლობაში ან ხვალ. მე თუ მკითხავთ, მე არ ვარ იმ ხუთ თუ 6 ადამიანში, რომელიც შეიძლება შევიდეს პარლამენტში, მე მხოლოდ მაჟორიტარი ვიყავი, მე პირადად ამ პარლამენტში არ შევიდოდი. რაც შეეხება პარტიების პოზიციას, ისევე როგორც ამ პარტიებში მყოფი ცალკეული ინდივიდების, ვინც გავიდნენ, ნაწილი დღესვეა მზად და ამბობს, რომ არ მიიღებს ამ პარლამენტში მონაწილეობას და არ შევა ამ პარლამენტში. ნაწილმა პარტიებმა ამ საკითხზე მაქსიმუმ ერთი დღე აიღეს შიდა კონსულტაციებისთვის, მაგრამ ძირითადი უმრავლესობა იხრება იქითკენ, რომ არ შევიდეს პარლამენტში და დარჩეს ივანიშვილი საკუთარ თავთან მარტო“, - განაცხადა უგულავამ.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს